Кёкүшюзан Д.Батбаярыг АТГ-аас залилангийн хэргээр шалгаж байна
Өнөөдөр АТГ-аас 4 сард шийдвэрлэгдсэн хэргүүд болон анхаарал татсан хэргүүдийн талаар мэдээлэл өглөө. Энэ үеэр Кёкүшюзан Батбаярын холбогдсон залилангийн хэрэг болон 2 жилийн өмнөөс өнөөдрийг хүртэл шалгагдаж байгаа зарим хэргүүд яагаад ингэж удаашраад байгаа талаар тайбар өгсөн юм.
![](http://www.etvhd.mn/wp-content/uploads/2019/04/ATG3.jpg)
Сүүлийн үед олны анхаарлыг татаж байгаа хэргүүдийн нэг бол Кёкүшюзан Батбаярын залилангийн хэрэг юм. Түүний холбогдсон хэргийн талаар АТГ –т энэ оны 4-р сарын 1-нд гомдол иржээ. Үүнд Монгол Улсын их хурлын гишүүн асан Кёкүшюзан Д.Батбаяр болон Замын-Үүд чөлөөт бүсийн захирагч гэх Н.Болормаа, ‘Сайхан ордос туурь’ ХХК-ийн захирал Б.Цэрэндорж нар нь томоохон төслүүдэд хамтран ажиллана хэмээн итгүүлж 2009-2014 оны хооронд БНХАУ-ын хуулийн этгээд ‘Евроази интернэшнл инвестмент групп’ ХХК-иас тухайн төслүүдийн урьдчилгаа төлбөр их хэмжээний мөнгө авсан боловч эдгээр хүмүүсийн бичгээр өгсөн амлалт, баталгаануудаас өнөөдрийг хүртэл нэг нь ч хэрэгжээгүй, зохион байгуулалттайгаар залилан мэхэлж компанид 32.713.190.850 төгрөгийн хохирол учруулсан гэх хэрэгт АТГ хэрэг бүртгэлтийн хэрэг нээж шалгалтын ажиллагаа явагдаж байгаа гэх мэдээллийг АТГ өглөө.
![](http://www.etvhd.mn/wp-content/uploads/2019/04/ATG2.jpg)
Мөн УБ төмөр зам ХНН-ийн дарга Жигжиднямааг 2017 оны 10-р сараас эхлэн хэрэг бүртгэлтийн хэрэг нээж шалгаж эхэлсэн ч өнөөдрийг хүртэл энэ хэрэг шийдэгдэж шүүхийн шатанд очихгүй байгаагийн шалтгааныг тодрууллаа. Синх: Ч.Жаргалбаатар АТГ-ын мөрдөн шалгах хэлтсийн ахлах мөрдөгч Сони : Түүнчлэн АТГ –аас мөрдөн шалгах ажиллагаа явуулж шүүхэд шилжүүлсэн зарим хэргүүдийн талаар мэдээлэл өгсөн юм . Үүнд ‘Улаанбаатар дулааны сүлжээ’ ТӨХК-ийн захирлаар ажиллаж байсан Б нь албан тушаалын байдлаа урвуулан ашиглаж тус газраас хэрэгжсэн худалдан авах ажиллагааг хууль бусаар явуулж нэр бүхий аж ахуйн нэгжийг сонгон шалгаруулж хахууль авсан ‘Дорнод бүсийн эрчим хүчний систем’ ТӨХК-ийн Хангамж, үйлчилгээний хэлтсийн даргаар ажиллаж байсан Г нь албан тушаалын байдлаа урвуулан ашиглан бусдад давуу байдал бий болгон их хэмжээний хээл хахууль авсанӨмнөговь, Дундговь, Төв аймгийн иргэний хэргийн давж заалдах шатны шүүх /хуучин нэрээр/-ийн Ерөнхий шүүгчээр ажиллаж байсан Д нь иргэний хэрэг шийдвэрлэх явцдаа өөрийн хамаарал бүхий этгээдээр дамжуулан бусдаас хахууль авсан гэх хэргүүдийг шалгаж шүүхэд шилжүүлжээ.