БУЯНТ УХАА 2 ХОРООЛЫГ ТҮРЭЭСЛЭХ ЭСЭХ НЬ 4 САРД ЭЦЭСЛЭН ШИЙДЭГДЭНЭ.
Түрээсийн орон сууцны зориулалтаар Буянт ухаа 2 хороолыг барьж байгаа.Гэсэн ч ч одоогоор буянт ухаа 2 хорооллыг түрээслэх эсэх нь тодорхойгүй байна. Учир нь барилгын ажлыг дуусгах 54 тэрбум төгрөгийг хөгжлийн банкнаас санхүүжүүлсэн учир тэр мөнгийг нь улсын төсвөөс гаргуулж , хөгжлийн банкинд өгсөн тохиолдолд л түрээсийн орон сууцаар ашиглах боломжтой болно гэж БХБЯ –наас мэдээллээ.
Засгийн газрын тогтоолоор ТОСК-иос хэрэгжүүлж байгаа “Буянт ухаа-II” хорооллын хоёрдугаар ээлж буюу 972 айлын орон сууцны барилгын явц 80 хувийн гүйцэтгэлтэйгээр өнгөрсөн хавар зогссон байсан. Тэгвэл барилгын дутууг Хөгжлийн банкны санхүүжилтээр үргэлжлүүлж,өнгөрөгч арваннэгдүгээр сард дуусгахаар төлөвлөж байсан ч өнөөдрийн байдлаа тус хороолол дулаанаа аваагүй , дотор заслаа хийгээгүй байдалтай байна.
Ийнхүү цаад тал нь 4 сард дулаанаа авч дотор заслаа дуусгах төлөвлөгөөтэй байгаа буянт-ухаа 2 хорооллыг бхбя-ны зүгээс түрээсийн орон сууц хэлбэрээр ашиглах сонирхолтой байгаа ч хөгжлийн банкнаас санхүүжүүлсэн 54 тэрбум төгрөгийг нь төсвөөс гаргуулж өгч ,банктай тооцоо дуусааны дараа энэ асуудал шийдэгдэнэ гэсэн юм. Тиймээс яг өнөөдрийн байдлаар буянт ухаа 2 хорооллыг түрээслэх эсвэл зарах эсэх нь бүрэн шийдвэрлэгдээгүй байгаа юм байна.
ВИДЕО МЭДЭЭЛЭЛ