САНХҮҮГИЙН ЗОХИЦУУЛАХ ХОРООНЫ 16 ДУГААР ХУРАЛДААН БОЛЛОО
Санхүүгийн зохицуулах хорооны ээлжит хуралдаан өнөөдөр болж, хуулийн этгээдээр бүртгэх, үнэт цаасны бүртгэлд өөрчлөлт оруулах, тусгай зөвшөөрөл олгох, хүчингүй болгох болон бүртгэлийн өөрчлөлт хийх зэрэг нийт 15 асуудал хэлэлцлээ. Хөрөнгөөр баталгаажсан үнэт цаас гаргах үйл ажиллагаа эрхлэх тусгай зөвшөөрлийг 2 компанид, хөрөнгө оруулалтын зөвлөхийн үйл ажиллагаа эрхлэх тусгай зөвшөөрлийг 1 компанид нэмж олгохоор, 2 компанийн хувьцаа эзэмшигчийн бүтэц, бүрэлдэхүүнд өөрчлөлт оруулахаар, 1 компанийн хөрөнгөөр баталгаажсан үнэт цаасыг бүртгэхээр боллоо. Мөн мөнгөн зээлийн үйл ажиллагаа эрхлэх этгээдээр 1 компанийг, үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрлийг 2 компанид олгохоор тус тус шийдвэрлэлээ. Түүнчлэн 1 компанийн төлөгдөж дууссан өрийн хэрэгслийг бүртгэлээс хасахаар, 1 хуулийн этгээдийн үнэт металл, үнэт чулууны эсхүл тэдгээрээр хийсэн эдлэлийн арилжаа эрхлэгчийн үйл ажиллагаа эрхлэх тусгай зөвшөөрлийг хүчингүй болголоо.