Эмчийн зөвлөдөг “AiDent” шүдний сойзыг эх орондоо үйлдвэрлэж байна
“Баялаг бүтээгч” нэвтрүүлгийн ээлжит дугаарын зочноор монголын анхны шүдний сойз, “AiDent” брэндийн үүсгэн байгуулагч, нүүр амны их эмч, Анагаах ухааны доктор Э.Ануударь, зочин хөтлөгчөөр үндэсний үйлдвэрлэгч “Бурамхан” брэндийн үүсгэн байгуулагч, “Цайдам трейд” компанийн захирал А.Солонго уригдан тус сойзны үйлдвэртэй танилцлаа.
Үндэсний үйлдвэрлэгч, баялаг бүтээгч Э. Ануударь:
“Эх оронч үзэл санаагаар чин сэтгэлээсээ зөв зүйтэй зүйлийг хийж, эх орныхоо хөгжил дэвшилд хувь нэмрээ оруулж, үйлдвэрлэлийг хөгжүүлж байгаа бүх хүн бол баялаг бүтээгч юм.”
“AiDent” брэндийг үүсгэн байгуулагч, Э. Ануударь нь 2008 онд Бүгд Найрамдах Куба Улсад шүдний их эмч мэргэжлээр, 2013 онд Япон улсын Айчи Гакуйн их сургуульд суралцаж Эмгэг Судлалын докторын зэрэг хамгаалжээ. Анагаах ухааны доктор Э.Ануударь нь “Продент” шүдний эмнэлгийг 2014 онд үүсгэн байгуулж өдгөө гурван салбартайгаар үйл ажиллагаагаа явуулж байна.
Тэрээр 2024 оноос монголдоо анх удаа шүдний сойзны үйлдвэрлэлийг эхлүүлж монголын анхны шүдний сойзны брэнд “Aident”-ийг үүсгэн байгуулж эмнэлэг болон үйлдвэрлэлийн салбарт нийт 50 гаруй хүнийг ажлын байраар хангаж байна.
Аливаа зүйлийг чанартайгаар, чин сэтгэлээсээ, тууштай хийх нь “Aident” брэндийг үүсгэн байгуулагч Э.Ануударийн ажил болон бизнестээ баримталдаг гол зарчим болохыг тэрээр онцолсон юм.
“AiDent” брэндийн шүдний сойз нь монгол хүний шүдний бүтцэд тохирсон, япон технологиор монголдоо үйлдвэрлэсэн эмчийн зөвлөдөг сойз юм. Тус сойзны үйлдвэрт сойзны үс суулгалтаас эхлээд, үсийг зөөлрүүлэх, өнгөлөх, савлах, шошголох зэрэг шат дамжлагууд явагддаг. Монголын анхны сойзны үйлдвэр нь өдөрт 30 мянга, сард 300 мянган бүтээгдэхүүн үйлдвэрлэх хүчин чадалтай. Шүдний сойзыг 6 долоо хоног тутамд солихыг эмч мэргэжилтнүүд зөвлөдөг ч манай улсад жилдээ 6 сая гаруй шүдний сойз импортоор орж ирдэг. Хүн амын тоотой харьцуулахад энэ нь бүх насны хүмүүс жилд хоёр ширхэг сойз хэрэглэдэг статитистик харагдаж байгаа юм. “АiDent” шүдний сойзны үйлдвэр нь бүрэн хүчин чадлаараа дотоодын хэрэгцээг 100 хувь хангах боломжтой байна.
Хүүхдийг ханиад хүрсэн үед антибиотик эмчилгээ хийсэн ч амны хөндийгөөр шууд халдвар дамжуулах боломжтой шүдний сойзыг солих шаардлагатайг эцэг эхчүүд тэр бүр анзаардаггүй. Тэгвэл бүх насны хүмүүс 6 долоо хоног тутамд шүдний сойзоо солих, тэр дундаа ханиад томуу хүрсэн үедээ амны хөндийн арчилгааг онцгой анхаарч эмчилгээний дараа сойзыг шинэчлэх шаардлагатайг доктор Э.Ануударь зөвлөж байна. Мөн “AiDent” брэндийн сойз нь монгол хүний амны хөндий, шүдний бүтцэд тохирсон нэн ялангуяа хүүхдэд заавал хэрэглэхэд тохиромжтой араа шүдэнд бүрэн хүрэлцдэг өнгөрийг сайтар арилгадаг, эмчийн зөвлөдөг сойз юм.
Цаашид “AiDent” шүдний сойзны үйлдвэрээс ам зайлагч, шүдний утас зэрэг амны хөндийн иж бүрэн арчилгааны бүтээгдэхүүн гаргахаар ажиллаж байна.
“AiDent” брэндийн шүдний сойз нь Улаанбаатар хотын бүх сүлжээ дэлгүүр, супер маркет, шүдний эмнэлэг болон Моносын эмийн сангаар худалдаалагдаж байна. Бүтээгдэхүүний талаар дэлгэрэнгүй мэдээллийг 77021818 утсаар авах боломжтой.